"Mbështetja do të mbetet e palëkundur”/ Ambasadori i BE-së uron Presidenten e re të Kosovës

Ambasadori i Bashkimit Europian në Kosovë, Dirk Schuebel, ka uruar presidenten e re të Kosovës, Justina Shiroka Pula.

Në një postim në rrjetet sociale, ambasadori shkruan se shpreson në një stabilitet të ripërtërirë politik dhe institucional, duke theksuar se pret të bashkëpunojë me presidenten Shiroka-Pula, institucionet e Kosovës dhe spektrin e gjerë politik.

“Me shpresën për një stabilitet të ripërtërirë politik dhe institucional, mezi pres të punoj me presidenten Shiroka-Pula, institucionet e Kosovës dhe spektrin e gjerë politik për ta afruar vendin më shumë me Bashkimin Europian. Mbështetja e BE-së do të mbetet e palëkundur”, thuhet në mesazhin e Schuebel.

Justina Shiroka Pula është zgjedhur presidente e Kosovës më 7 tetor, pas një marrëveshjeje në çastet e fundit mes Lëvizjes Vetëvendosje në pushtet dhe Partisë Demokratike të Kosovës në opozitë, pak para përfundimit të afatit kushtetues për zgjedhjen e presidentit të ri të vendit.

Ajo u zgjodh që në raundin e parë të votimit, me 81 vota për, minimumi i kërkuar në këtë raund. Shiroka Pula, 72 vjeçe, u betua si presidente para deputetëve të Kuvendit të Kosovës dhe tha se e pranon “me përgjegjësi” detyrën e re. /CNA