Rasti i një gruaje të dënuar me burgim, e cila ndodhet në institucionin e vuajtjes së dënimit në Pojskë së bashku me foshnjën e saj 4-muajshe, ka tërhequr vëmendjen e Avokatit të Popullit.

Në një reagim për interesin e medias, institucioni bën me dije se sot një grup pune i Mekanizmit për Parandalimin e Torturës ka shkuar në burgun e Pojskës për të verifikuar situatën dhe rrethanat e rastit.

“Një grup pune i Institucionit të Avokatit të Popullit, konkretisht Mekanizmi për Parandalimin e Torturës, po shkon në burgun e Pojskës, për të verifikuar situatën lidhur me dënimin e një zonje, që është njëherësh edhe nënë e një foshnje 4 muajshe”, thuhet në njoftimin e Avokatit të Popullit.

Institucioni deklaron se pas përfundimit të monitorimit do të bëjë të ditura gjetjet.

Rasti lidhet me Greta Gjocin, e njohur edhe si Greta Pepa, e cila, sipas të dhënave të bëra publike, është dënuar me 6 vjet e 8 muaj burgim për veprat penale “mashtrim kompjuterik” në kuadër të një grupi të strukturuar kriminal dhe “pjesëmarrje në grup të strukturuar kriminal”. Më 5 tetor, Apeli i GJKKO-së la në fuqi vendimin e shkallës së parë.

Sipas informacioneve të bëra publike, Gjoci është dërguar në burgun e grave në Pojskë dhe me të ndodhet edhe foshnja e saj 4-muajshe.

Ndërkohë, verifikimi i nisur nga Avokati i Popullit pritet të hedhë dritë mbi kushtet dhe mënyrën e trajtimit të kësaj situate, ndërsa gjetjet e monitorimit pritet të bëhen publike nga institucioni.

Lini një Përgjigje

Shkatërrohet furra ku digjeshin goma dhe mbetje plastike, IKMT aksion pas një ankese

13:50 Kronika

Skandali me videot intime, Prokuroria e Tiranës merr në dorë hetimet! Adi Hila prishi hard disk-un e kamerës: Mendova se ishte hakuar

13:48 Kronika

"Nuk dua pafajësi, por shtyrje të dënimit" - Lutja e nënës me foshnjen 4-muajshe që u dënua me 6.8 vite burg nga Apeli i GJKKO-së!

12:50 Kronika 2 komente

Demo tek Akademia e Sigurisë: Një standard i ri, nis nga brezi i ri. Rritje e konsiderueshme pagash për Policinë e Shtetit

12:05 Kronika 1 koment

U arratis pas lejes nga burgu në Greqi, Alket Rizai dyshohet se u largua drejt Shqipërisë ose Kosovës! Përdori fenelina policie për të shmangur kontrollet

11:40 Kronika

U shfaq në videot me Adrian Hilën, reagon për herë të parë Monika Lubonja: Mos më gjykoni për besimin që i dhashë një njeriu të pabesë

20:35 Kronika 22 komente

Detaje nga arrestimi i administratorit të Inceneratorit të Elbasanit, mori ryshfet! SPAK kishte regjistruar numrat serialë të parave

19:35 Kronika