Nuk ishte thjesht një ndeshje futbolli. Ishte nata kur një komb i tërë i tha lamtumirë njeriut që për më shumë se dy dekada mbajti mbi supe ëndrrat e tij.
Që prej orëve të para, mijëra tifozë u mblodhën përreth Monumentalit në Buenos Aires, shkruan A2.
Me fanellat me numrin 10, flamujt dhe maskat me fytyrën e Messit me mesazhin “Gracias Leo”, ata pritën momentin e fundit të idhullit të tyre me Argjentinën.
Më shumë se 85 mijë tifozë mbushën sheshin kryesor. Shumë prej tyre me lot në sy, ndërsa të tjerë këndonin emrin e Messit, duke e kthyer stadiumin në një skenë gjigante falënderimi.
Pas fitores 3-0 ndaj Beninit, qielli u mbush me fishekzjarre dhe dronët formuan imazhin e Messit dhe fanellën e tij legjendare.
Messi u largua nga fusha mes përqafimeve dhe lotëve, ndërsa tifozët vazhdonin të këndonin emrin e tij. Një epokë përfundoi. Por për Argjentinën, numri 10 nuk do të jetë më thjesht një numër. Do të jetë përgjithmonë Leo Messi. (A2 Televizion)
A2 CNN Livestream
MUND TE LEXONI GJITHASHTU
