Vdekja e Giorgos Mazonakis, dëshmojnë tre persona të tjerë. Hetuesi kërkon përgjigje për plazmaferezën

Tre dëshmitarë të tjerë janë paraqitur sot para hetuesit të rregullt të 32-të, i cili po heton rrethanat e vdekjes së Giorgos Mazonakis. 

Sipas informacioneve të publikuara nga mediat greke, para hetuesit kanë dëshmuar dy shpëtimtarë të EKAB, si dhe një anesteziologe që kishte punuar në klinikën e Rrugës Karneadou deri në vitin 2023.

Anesteziologes i është kërkuar të japë informacion lidhur me periudhën gjatë së cilës ka bashkëpunuar me mjekun 56-vjeçar, si dhe për procedurën e plazmaferezës.

Në veçanti, hetuesi ka kërkuar sqarime nëse gjatë kësaj procedure është administruar ndonjë medikament dhe nëse janë përdorur makineri specifike.

Ndërkohë, vajza e çiftit është thirrur për të dëshmuar të premten, pas një kërkese të bërë nga mbrojtja e mjekut 58-vjeçar.

 Dëshmitarja pritet të pyetet nëse i është nënshtruar vetë një procedure plazmafereze në klinikë dhe nëse gjatë saj i është administruar ndonjë ilaç.

Kjo çështje lidhet, sipas informacioneve, me një bisedë në aplikacionin Viber mes punonjësve të klinikës, të datës 26 gusht, ku dyshohet se bëhet një referencë përkatëse.