Një prej ligjvënësve më të lartë të Partisë Demokratike në SHBA ka kërkuar informacion të detajuar mbi ...
POLITIKE
"Green Kolonja"/ Kryebashkiaku i Ersekës Erion Isai, shpenzime marramendëse me taksat e shqiptarëve për shoqërinë aksionere të tij
PiranjatPërditësimi i fundit 7 Tetor 2026, 16:55
Në një kohë kur lajmet për afera seksuale kanë përfshirë kryebashkiakun e Ersekës, Erion Isai, ky i fundit ka lënë mënjanë lajmet për jetën e tij intime, duke vijuar ti paguajë miliona lekë nga taksat e bashkisë, një shoqërie aksionere të hapur prej tij, “Green Kolonja”.
Pagesa e fundit prej 59 milion lekë të vjetra është kryer nga bashkia e Ersekës në 29 shtator 2026 në drejtim të kompanisë “Green Kolonja”.
Ndërsa në total nga 1 Prilli 2026 kur është themeluar në ditën e rrenave dhe deri në 29 Shtator, shoqëria aksionere “Green Kolonja”, ka arritur të marë nga buxheti i bashkisë Ersekë, një shumë prej 311 milion lekë të vjetra.
Në krye të kësaj shoqërie aksionere qëndrojnë dy zyrtarë publikë si Erion Isai përfaqësues i Bashkisë Kolonjë dhe Ermal Zylfo administrator i “Green Kolonja”. Të dy personazhet e mësipërm prej disa muajsh janë marrë të pandehur nga SPAK, për akuzën “Shkeljes së pabarazisë në tendera” me vlerë 30 mln euro dhe se tashmë procesi ndaj tyre është në fazën e nisjes së gjykimit.
Siç rezulton dhe në dokumentet zyrtare administrator Ermal Zylfo do mbajë këtë post për një periudhë 3 vjeçare, deri në datën 23 Mars 2029.
Ndërsa pjesëtarët e bordit mbikëqyrës së kësaj shoqërie aksionere të hapur nga bashkia e Kolonjës janë Altin Basha ish-regjisori i “Portokallisë”, ku ka qënë aktor dhe Erion Isai, gazetarin Ilir Jano dhe kryetare bordi e “Green Kolonja” është emëruar Boralda Lalollari, e cila është shoqja e besuar dhe mikeshë e deputetes së PS, Elisa Spiropali.
Lalollari, rezulton të jetë kryetare bordi edhe tek Shoqëria aksionere Ujësjellës-Kanalizimi Erseka. Sipas ekstraktit të shoqërisë aksionere “Green Kolonja” objekti i saj është:
“...ofrimi i shërbimeve në fushën e agroturizmit, agrikulturë, turistikë ujore, trajtim diferencim të mbetjeve urbane/organike dhe çdo investim të lidhur me to, projektim, ndërtim, rindërtim, zhvillimin bujqësor, rural,turistik agroturistik, zhvillimin dhe përpunimin lëndë drusore, produkte blegtorale e bujqësore, zhvillim teknologjik në zbatim të ndërtimeve të gjitha llojeve...”./ syri
