“Flamuri ynë do të jetë gjithmonë në majat më të larta falë teje”- Mesazhi emocionues i Di Marias për Messin
Angel Di Maria i ka kushtuar një mesazh tepër emocionues Lionel Messit, pas tërheqjes nga Kombëtarja e Argjentinës.
Di Maria, i cili për 18 vite ka ndarë fushën me Messin me fanellën “Albiceleste”, ka shprehur mirënjohjen e tij për gjithçka që sulmuesi ka bërë për Argjentinën, duke e cilësuar një privilegj të madh faktin që ka lindur në të njëjtin brez me të.
“Pata privilegjin të lindja në brezin tënd. Të të shijoja kaq shumë vite futboll. Sot ti mbyll atë derë që të gjithë argjentinasit nuk donim kurrë. Por ajo ditë erdhi dhe sot, si çdo argjentinas, dua të të them shumë faleminderit për gjithçka që ke bërë për vendin tonë”, shkruan Di Maria.
Ish-lojtari i Argjentinës theksoi gjithashtu se Messi e ka vendosur flamurin argjentinas në majat e futbollit botëror.
“Faleminderit që e ngrite flamurin tonë në majat më të larta në të gjithë botën. Dhe nëse pata privilegjin të luaja për 18 vite në krahun tënd, pata gjithashtu mundësinë të isha më shumë se një shok skuadre. Të ndaja me ty barbekju, ekipin, kombëtaren dhe shumë gjëra të tjera.”
Në fund, Di Maria e mbylli mesazhin me fjalë të forta për mikun dhe ish-shokun e tij të skuadrës:
“Kam vetëm fjalë mirënjohjeje për gjithë atë dashuri që më ke dhënë gjithmonë. Flamuri ynë do të jetë gjithmonë në majat më të larta falë teje. Të dua shumë, mik. MË I MIRI I TË GJITHË KOHËRAVE.”
