"Dyfisho Sipërmarrjen Tënde"/ Rama: Aplikimet që hasin pengesa te bankat do të kenë mbështetjen e Ministrisë ...
"Rama është kthyer në avokat të..."/ Berisha: Vetëm revolta mund të shpëtojë shqiptarët nga narkosh...
"Stabilitet institucional"/ Zgjedhja e presidentes së re, reagon Albin Kurti: Do punojmë bashkë për suksesin e ish-krerë...
Dita e 129-të e protestës/ Qytetarët marshojnë drejt Kryeministrisë, thirrje: Poshtë narko-shteti 6 Tetor, 19:09...
Sarajeva tha se Shaheenit iu dha kjo mirënjohje për angazhimin dhe mbështetjen shumëvjeçare që ajo e ka dhënë për Bosnje e Hercegovinën, si dhe për përpjekjet e saj për forcimin e marrëdhënieve ndërmjet Bosnjës dhe Shteteve të Bashkuara.
Avdiq, ia dorëzon senatores amerikane Jeanne Shaheen çmimin "Qytetare Nderi e Qytetit të Sarajevës", 7 tetor 2026.
Senatorja amerikane nga radhët e demokratëve, Jeanne Shaheen, është nderuar me titullin “Qytetare Nderi e Qytetit të Sarajevës” për vitin 2025.
Sarajeva tha se Shaheenit iu dha kjo mirënjohje për angazhimin dhe mbështetjen shumëvjeçare që ajo e ka dhënë për Bosnje e Hercegovinën, si dhe për përpjekjet e saj për forcimin e marrëdhënieve ndërmjet Bosnjës dhe Shteteve të Bashkuara.
Në njoftim thuhet se Shaheen, gjatë veprimtarisë së saj politike, është angazhuar për ruajtjen e sovranitetit, integritetit territorial dhe prosperitetit të Bosnje e Hercegovinës, si dhe ka mbështetur synimet euroatlantike të këtij vendi ballkanik. Në këtë mënyrë, ajo është bërë një prej aleateve të rëndësishme dhe të qëndrueshme të Bosnje e Hercegovinës në skenën politike amerikane, tha Sarajeva.
Shaheen e pranoi çmimin nga kryetari i Sarajevës, Samir Avdiq, gjatë një ceremonie në komunën e Sarajevës. Senatorja amerikane Jeanne Shaheen flet pas pranimit të çmimit "Qytetare Nderi e Qytetit të Sarajevës", më 7 tetor 2026.
Gjatë veprimtarisë së saj politike, Shaheen e ka vizituar disa herë Bosnje e Hercegovinën.
Interesi i Rusisë për destabilizimin e Ballkanit Perëndimor
Shaheen, demokratja kryesore në Komitetin për Marrëdhënie me Jashtë të Senatit amerikan, prej kohësh paralajmëron për rreziqet e sigurisë në Ballkanin Perëndimor dhe angazhohet për një prani më të fuqishme të Shteteve të Bashkuara në rajon.
Sa i përket Bosnje e Hercegovinës, ajo ka theksuar disa herë mbështetjen për sovranitetin, integritetin territorial dhe karakterin shumetnik të saj, duke vlerësuar se vazhdimi i angazhimit amerikan dhe ndërkombëtar është i rëndësishëm për ruajtjen e stabilitetit.
Në margjinat e Konferencës së Sigurisë në Munih, në shkurt të këtij viti, ku udhëhoqi delegacionin e Komitetit për Marrëdhënie me Jashtë të Senatit amerikan në një takim me anëtarin e Presidencës së Bosnjës, Denis Beqiroviq, dhe me përfaqësuesin e atëhershëm ndërkombëtar në Bosnje, Christian Schmidt, ajo shprehu shqetësim për retorikën dhe veprimet separatiste të ish-presidentit të Republikës Sërpska, Millorad Dodik.
Ajo kishte thënë se veprimet e Dodikut rrezikonin Marrëveshjen e Dejtonit për Paqe, si dhe stabilitetin rajonal. Tetorin e kaluar, Shtetet e Bashkuara ua hoqën sanksionet amerikane Dodikut, si dhe anëtares së Presidencës së Bosnjës, Zhelka Cvijanoviq, dhe disa anëtarëve të familjes së Dodikut. Shaheen tha në një intervistë për REL-in se Rusia ka interes për destabilizimin e rajonit të Ballkanit Perëndimor, të cilin Moska e sheh si “një front të dytë të mundshëm”.
Ajo tha gjithashtu se SHBA-ja duhet të sigurohet se Rusia e kupton se forcat amerikane në rajon “janë në gjendje të lartë gatishmërie dhe po e përcjellin atë që po ndodh”. Duke folur për shqetësimet lidhur me mundësinë e një destabilizimi që do të përfshinte Bosnje e Hercegovinën, Kosovën dhe Serbinë, ajo tha se “bëhet fjalë për lidhjen e Serbisë dhe serbëve në (entitetin e Bosnjës) Republika Sërpska me Rusinë, si dhe për interesin rus për destabilizimin e rajonit”.
“Rusia e sheh këtë si një front të dytë të mundshëm dhe ne duhet të bëjmë gjithçka që mundemi për ta ruajtur stabilitetin në rajon. Gjithashtu, duhet ta bëjmë të qartë se edhe ushtria jonë po e përcjell situatën me shumë kujdes”, tha Shaheen, e cila është edhe bashkëkryesuese e Grupit të Senatit për Mbikëqyrjen e NATO-s.
Duke përmendur se NATO-ja ka forca në Kosovë dhe se EUFOR-i ka mision në Bosnje, ajo theksoi: “Duhet të sigurohemi që rusët ta dinë se këto forca janë në gjendje të lartë gatishmërie dhe po e përcjellin atë që po ndodh”. Shaheen tha se SHBA-ja duhet të garantojë frenimin e luftës hibride ruse kudo që është e mundur.
“Kjo nuk është vetëm në interes të Amerikës, por edhe në interes të aleatëve tanë evropianë”, shtoi ajo.
E pyetur për shqetësimet lidhur me aktivitetet e Rusisë përgjatë krahut lindor të aleancës së NATO-s, Shaheen tha se Rusia nuk po zhvillon luftë hibride vetëm në atë zonë dhe se Serbinë e përdor si “pikë kalimi”./REL
Valon Lluka KOSOVË- Autoritetet e Kosovës kanë arrestuar ditën e sotme biznesmenin Valon Lluka. Për rastin ka lëshuar nj...
Foto ilustruse TIRANË- Qytetarët do të mblidhen sot në protestën e 130-të radhazi kundër qeverisë Rama. Pë...
Foto ilustruse Gjirokastra dhe Vlora renditen ndër rajonet me peshën më të ulët të popullsisë në moshë pune jo...
Ergys Agasi TIRANË- Detaje të reja kanë dalë nga dosja hetimore ndaj Uljan Shpatarakut dhe Ergys Agasit, të cilat hedhin drit...
Fotografi ilustruese Policia e Kosovës ka ndërprerë një tubim që po zhvillohej në ambientet e Shkollës Teknike në M...
Foto ilustruse Menjëherë pas incidentit të rëndë në bankën Raiffeisen, që preku llogaritë e mijëra qyteta...
pamje nga SPAK TIRANË- Ish-drejtori i Autoritetit Rrugor Shqiptar, Gentian Gjyli, është paraqitur sërish këtë të më...
Ergys Agasi TIRANË- Detaje të reja kanë dalë nga vendimi gjyqësor i caktimit të masës së sigurisë &ldquo...
pamje nga aksidenti LUSHNJE- Një aksident rrugor është regjistruar në aksin Pushimi i Shoferit–Lushnje, ku një automjet tip ...
Gjykata e Posaçme TIRANË- Gjykata e Posaçme e Apelit ka urdhëruar lirimin nga qelia të Kristi Bixhekut, i akuzuar si pjes...
