Një sulm masiv me raketa dhe dronë është kryer gjatë natës në disa qytete të Ukrainës, duke shkaktuar të paktën 20 viktima dhe dhjetëra të plagosur. Mes të vrarëve janë edhe katër fëmijë. Sulmi ndodhi në ditën kur presidenti rus Vladimir Putin feston 74-vjetorin e lindjes.
Një nga zonat më të goditura ishte qyteti i Prilukit, në rajonin e Çernihivit, ku një raketë goditi një pallat pesëkatësh. Si pasojë, 14 persona humbën jetën, përfshirë katër fëmijë, ndërsa rreth 50 të tjerë u plagosën.
Ekipet e emergjencës kanë nxjerrë 15 persona nga rrënojat, ndërsa operacionet e kërkim-shpëtimit vijojnë, pasi dyshohet se mund të ketë ende persona të bllokuar.
NEW: Russia launched a massive missile and drone attack across Ukraine overnight on Putin’s 74th birthday, hitting Kyiv, Pryluky, Kremenchuk, and other cities. A five-story apartment block in Pryluky partially collapsed with people inside. At least seven killed so far across multiple cities, with rescuers still digging through rubble. Zelensky had warned the night before that intelligence pointed to a large incoming strike.
— Clash Report (@clashreport) October 7, 2026
Sulme ajrore u raportuan edhe në kryeqytetin Kiev. Dy persona u vranë pasi një sulm shkaktoi zjarr në një kompleks garazhesh në lagjen Darnytskyi. Shpërthime dhe dëme materiale u raportuan gjithashtu në zonat Podil, Obolon dhe Shevchenkivskyi.
Në Kremenchuk, sulmet dëmtuan ndërtesa banimi dhe një objekt industrial. Dy persona humbën jetën dhe shtatë të tjerë u plagosën. Dëme nga sulmet u raportuan edhe në Dnipro, Zaporizhzhia dhe Oleksandria.
Presidenti ukrainas Volodymyr Zelensky dënoi sulmet, duke deklaruar se Rusia kishte përdorur dhjetëra raketa dhe dronë. Sipas tij, forcat ukrainase të mbrojtjes ajrore arritën të neutralizonin një pjesë të konsiderueshme të tyre.
Russia has carried out its deadliest strike on Ukraine in the past month 14 people have been killed in Pryluky: a Russian missile destroyed a residential building. Four of those killed were children. More than 50 people were injured. Rescuers are continuing to search through the rubble.
— NEXTA (@nexta_tv) October 7, 2026
Zelensky tha se raketat balistike mbeten një nga sfidat kryesore për mbrojtjen ajrore të Ukrainës dhe përsëriti kërkesën për furnizimin me sisteme amerikane të mbrojtjes ajrore Patriot.
Duke iu referuar faktit se sulmi përkoi me ditëlindjen e presidentit rus, Zelensky tha se ushtria ruse i kishte dhënë Putinit një “dhuratë”, duke goditur dhe shkatërruar një ndërtesë banimi në Priluki.
Nga ana tjetër, autoritetet ruse kanë deklaruar se sulmet kishin në shënjestër objekte të industrisë ushtarake në disa rajone të Ukrainës.