Gazetari: “Territorialja” si reformë elektorale, PS dhe PD kanë përcaktuar pozicionet

Gazetari Lutfi Dervishi komentoi sot përmbajtjen e Reformës Administrativo-Territoriale që pritet të votohet nesër në Kuvend.

I ftuar në ‘A2 CNN’, Dervishi tha se sheh më shumë si reformë elektorale, pasi mazhoranca dhe opozita kanë përcaktuar pozicionet e tyre, përmes listës së bashkive dhe modeleve që propozojnë.

Sipas Dervishit, i vetmi hap që ka mbetur para kalimit në votim është analizimi i kritereve, për të mos e kthyer në një reformë pa konsensus politik, si ajo e vitit 2014.

“Më shumë se reformë territoriale, kjo duket si reformë elektorale! Nëse keni parasysh bisedimet, deri më tani janë përcaktuar pozicionet. Opozita thotë që duhet të kemi më shumë bashki, 100 ose më shumë dhe qeveria që në momentin e parë ka qenë më idenë që duhet të kemi më pak bashki. Nuk kemi dalë të kjo listë duke analizuar modelet. Por kemi listën dhe tani po analizojmë kriteret. Në këto 12 vite reforma e bërë pa konsensus politik në atë kohë premtoi se do kemi më pak njerëz dhe shpenzime”,-tha Dervishi./CNA