Një prej grave që shfaqej në videot intime të publikuara ditët e fundit ka ngritur padi në Gjykatën e Tiranës kundë...
BOTA
FOTO/ Brenda një Airbnb modeste ku përbindëshi joshi një grua dhe e goditi 78 herë për vdekje
PiranjatPërditësimi i fundit 7 Tetor 2026, 21:49
Pamje rrëqethëse tregojnë ambientin e një Airbnb-je në Tividale, West Midlands të Britanisë, ku një student i mjekësisë ligjore përgatiti një dhomë të mbuluar me plastikë për të vrarë një grua.
Benjamin William Day, 19 vjeç, dyshohet se kaloi disa orë duke përgatitur dhomën, në atë që u përshkrua si një “homazh” i shtrembëruar ndaj personazhit vrasës të serialit televiziv “Dexter”.
Më pas, ai goditi me thikë 78 herë 24-vjeçaren Maria Saceanu, duke i shkaktuar vdekjen, përpara se të tentonte të kryente edhe procesin e copëtimit të trupit të saj.
Një tjetër person që qëndronte në pronën, e cila kushtonte rreth 40 paund, u tmerrua kur zbuloi një gjurmë gjaku që çonte drejt dhomës ku ndodhej trupi i pajetë i Maria Saceanut.
Fotot e publikuara në Airbnb tregojnë ambientet e banesës modeste ku ndodhi krimi. Pronari ofronte tre dhoma: një “dhomë luksoze”, një “dhomë dopio komode” dhe një “dhomë teke kompakte dhe elegante”, megjithëse nuk është e qartë se cilën prej tyre kishte rezervuar Day.
Të gjitha dhomat kishin mbulesa krevati me motive dhe akses në ambientet e përbashkëta, përfshirë një kuzhinë të madhe dhe një dhomë ndenjeje.
Sipas prokurorisë, Day kishte përgatitur në telefonin e tij një “listë blerjesh” me sendet që i duheshin për vrasjen. Në listë përfshiheshin thika, gërshërë, maskë, përparëse, doreza njëpërdorimshme dhe mbulesa plastike.
Ai kishte shënuar gjithashtu shirit ngjitës, një pistoletë kapëse, një bluzë, pantallona, produkte kimike pastrimi, lamela mikroskopi, një pipetë dhe qese të mëdha e të zeza për mbeturina.
Të gjitha sendet e listuara u gjetën më vonë në Airbnb-në e njollosur me gjak. Oficerët zbuluan gjithashtu lamela mikroskopi me gjak, që dyshohet se ishin marrë si një lloj “trofeu” nga vrasja.
Day kishte kaluar disa orë duke përgatitur të ashtuquajturën “dhomë vrasjeje” në Airbnb, vitin e kaluar.
Prokurorja Rachel Brand KC deklaroi se ai e kishte joshur Maria Saceanun drejt dhomës që kishte marrë me qira përmes Airbnb.
“Ai ishte përgatitur për ta vrarë. Ai kishte planifikuar të asgjësonte trupin e saj pa lënë gjurmë të asaj që kishte ndodhur dhe kishte planifikuar të largohej pa u kapur. Por gjithçka shkoi keq dhe ai u arrestua”, tha prokurorja.
Pas vrasjes, Day hoqi dorë nga plani makabër për të copëtuar trupin e Maria Saceanut, pasi kishte prerë dorën. Më 21 dhjetor, ai u largua nga banesa dhe u end për një distancë të konsiderueshme.
Më pas telefonoi numrin e emergjencës 999 dhe kërkoi ndihmë mjekësore. Efektivët e policisë e gjetën të ulur në trotuar, me dorën e dëmtuar të mbështjellë me shirit ngjitës.
19-vjeçari, i cili u arrestua i veshur me një bluzë ngjyrë kaki, të ngjashme me atë të personazhit Dexter, pretendoi se ishte kafshuar nga një “qen i egër”.
Teksa një efektiv po e ekzaminonte, Day tha se kishte “katër gishta” dhe se plagën e kishte fashuar vetë.
Por policët nisën të dyshonin pasi vunë re shiritin ngjitës rreth dorës së tij të dëmtuar.
Njëri prej tyre e pyeti:
“Ku e gjete shiritin ngjitës?”
Day u përgjigj:
“E solla me vete. Ishte në makinën time.”
Më pas, efektivi e përballi me dyshimet e tij:
“Çfarë ka ndodhur? A të ka sulmuar dikush?
A ke shkuar diku për të takuar dikë dhe ka ndodhur diçka, duke përfunduar i plagosur?
Të jem i sinqertë me ty, historia jote nuk qëndron plotësisht.”
Day u la në paraburgim dhe do të dënohet më 4 dhjetor. /PiranjatNews/
