Aktivisti Edison Lika është arrestuar nga policia mbrëmjen e sotme, gjatë momenteve të protestës qytetare para Kryeministrisë.
Protestuesit u vendosën pas marshimit sërish te Kryeministria pas dyshimeve se kryeministri Edi Rama ndodhej brenda godinës.
Në një moment, automjeti ku ndodhej Rama ka dalë nga godina, ndërsa aktivisti Lika e ka goditur atë me vezë.
Kjo ka nxitur reagimin e menjëhershëm të efektivëve të policisë që e kanë ndjekur dhe më pas arrestuar.
