Deputeti i Partisë Socialiste, Ardit Bido ishte i ftuar mbrëmjen e djeshme në emisionin “Opinion” ku foli për muzeun hebraik që ka nisur të ndërtohet në Vlorë.
Duke folur për këtë temë, ai pranoi edhe gjendjen e mjerueshme të muzeut të pavarësisë në Vlorë.
“Është një muze ku nuk çon dot një fëmijë, të huaj apo një mikun tënd shqiptar që të marrë frymën e momentit më të rëndësishëm kombëtar që është pavarësia.Për këdo që di sadopak nga muzeumet e di se ai vetëm muze nuk është”- tha Bido ndër të tjera.
Por pavarësisht kësaj, sa i takon argumenteve pro muzeut hebraik, Bido tha se ky muze tregon madhështinë e mikpritjes së shqiptarëve dhe jo historinë e hebrenjve.
“Ne përmes historisë së bashkëjetesës së hebrenjve me labët në Vlorë, nuk tregojmë historinë e hebrenjve, por madhështinë e labërisë dhe të shqiptarëve që i mikpritën, bashkëjetuan, bashkërenduan si popullsi dominante. Krenaria jonë kombëtare është se këtë popullsi jo vetëm nuk e ka diskriminuar, por e ka shpëtuar”- shtoi deputeti socialist. Versus.al
