Akuzat/ Vlora Hyseni u emërua këshilltare e Ramës me rekomandim direkt të Vuçiç-it

Kreu i PD-së, Sali Berisha, ka deklaruar se Vlora Hyseni është emëruar këshilltare e Ramës me rekomandim direkt të Presidentit të Serbisë, Aleksandër Vuçiç.

“Në një akt antikushtetues e të pashembullt padrino i vendit urdhëroi shkelmimin e së drejtës kushtetueste të opozitës, të deputetëve, për mocion me debat për skandalin më të rëndë në historinë 100 e ca vjeçare të shtetit shqiptar, implikimin direkt të shefes së shërbimit në veprimtari kriminale me kartelet më të rrezikshme të drogës në Europë me koordinatorin e karteleve Ergys Agasi. Që ju të bllokoni një mocion të tillë dëshmoni se çfarë jeni. Jeni anëtarë të klubit 'Agasi'. Fakti që pranoni një vendim të tillë ju bën bashkëfajtorë dhe bashkautorë me padrinon në këtë akt.

Vlora Hyseni u emërua këshilltare e padrinos me rekomandim direkt të Aleksandër Vuçiç-it.

Hyseni nuk kishte në figurën e saj asnjë virtyt dhe asnjë kriter që të emërohej në atë vend vetëm se ishte shërbëtore e armiqve të Shqipërisë.

Vlora Hyseni pas emërimit shkoi fluturimthi në Beograd”, tha Berisha./ CNA