Bordi i Transparencës ka vendosur çmimet e reja të karburanteve, të cilat hyjnë në fuqi nga mesdita e sotme, 8 tetor.
Sipas vendimit, çmimi maksimal i shitjes me pakicë për naftën është caktuar në 217 lekë për litër, ndërsa çmimi me shumicë në 205 lekë për litër.
Për benzinën, çmimi maksimal me pakicë është vendosur në 193 lekë për litër, ndërsa ai me shumicë në 181 lekë për litër.
Çmimet e reja do të hyjnë në fuqi sot në orën 12:00 dhe do të qëndrojnë në fuqi deri në mbledhjen e ardhshme të Bordit, kur do të rishikohen në varësi të ecurisë së tregut.
