TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në Kuvend vijon debati për reformën e re administrativo-territoriale. Kreu i Grupit Parlamentar të Partisë Socialiste, Taulant Balla, tha se mazhoranca e konsideron reformën një angazhim të marrë përpara qytetarëve në zgjedhjet e 11 majit dhe kërkoi nga opozita që të bashkohet në diskutimin për kompetencat e bashkive.
Balla tha se votimi i hartës së re territoriale do të pasohet nga ngritja e një komisioni të posaçëm, ku sipas tij mazhoranca dhe opozita mund të diskutojnë për ndarjen e kompetencave. Ai akuzoi opozitën se është e fokusuar te kryetarët e bashkive, ndërsa PS, sipas tij, te ofrimi i shërbimeve për qytetarët.
Taulant Balla: Sa i përket ligjit për reformën administrative-territoriale 2.0, ne e kemi marrë dakordësinë e qytetarëve më 11 maj 2025. Kjo pikë ka qenë pika e parë e programit tonë Shqipëria 2030. Qytetarët shqiptarë na dhanë jo pak, por 83 mandate për ta çuar përpara këtë reformë. Ne do ta diskutojmë dhe do ta votojmë sot këtë pikë të rendit të ditës. Ftesa ime është që t’i përgjigjeni ofertës. Ditën e enjte të ngremë së bashku Komisionin e Posaçëm të Reformës Territoriale, jo për pjesën e ndarjes, por për pjesën e kompetencave.
Keni një javë kohë që të mendoni, që të votoni për pjesën e kompetencave. Kjo do të votohet. Deri të enjten tjetër mendohuni, bëni gati propozimet. Mirë është që ta merrni këtë javë. Reforma që votojmë sot është bërë përmes një pune të shkëlqyer, ku janë pyetur komunitetet dhe janë konsultuar bashkitë.
Ju interesoheni për kryetarin e bashkisë, ne interesohemi për qytetarin, banorin. Ne i garantojmë banorëve të 46 bashkive të reja shërbime më të mira. Ju keni hall karrigesh, ne kemi hall shërbimesh.
