Te fundit
“Probleme miliarderësh”, Kylie Jenner kritikohet ashpër pas deklaratës për jetën e saj luksoze
8 Tetor 2026, 11:48Lifestyle
TEMA
Kylie Jenner është përfshirë në një debat të ri në rrjet pasi një video nga vlogu i saj ka rikthyer diskutimet mbi pasurinë e madhe dhe privilegjet e yllit të “The Kardashians”.
Në qendër të reagimeve është bërë udhëtimi i saj me avionin privat, i cili raportohet se kushton rreth 73 milionë dollarë, drejt Saint-Tropez. Në vlog, Jenner udhëtonte e vetme me avion, një detaj që shkaktoi reagime të shumta nga ndjekësit dhe kritikët online.
Shumë përdorues e konsideruan këtë një shembull të shkëputjes nga realiteti i përditshëm i shumicës së njerëzve, duke e kritikuar për mënyrën se si shfaq luksin në një kohë kur kostot e jetesës mbeten një shqetësim për miliona njerëz.
Debati vjen në një periudhë kur Jenner është përballur edhe më parë me diskutime për mënyrën se si është ndërtuar pasuria e saj. Në gusht, ajo mbrojti titullin “miliarderja më e re self-made”, duke argumentuar se pasuria e saj nuk ishte e trashëguar. Ajo pranoi megjithatë se privilegjet me të cilat u rrit i dhanë një avantazh të rëndësishëm në rrugëtimin e saj.
Kylie Jenner, e njohur fillimisht përmes reality-show-t familjar, ka ndërtuar një biznes të fuqishëm me markën e saj të kozmetikës dhe vazhdon të jetë një prej figurave më të ndjekura të familjes Kardashian-Jenner.
Ndërkohë, ajo po zgjeron edhe aktivitetin në industrinë e argëtimit. Jenner pritet të ketë rolin kryesor në serialin thriller “Bachelorette Weekend”, një produksion i Hulu-t ku producente ekzekutive është motra e saj, Kim Kardashian.
Më të lexuarat
24 oret e fundit
Javen e fundit
Blog Tema
Lini një Përgjigje