Deputetja e PD-së, Ina Zhupa është shprehur kundër reformës territoriale të njëanshme të PS-së, që pritet të votohet gjatë seancës së sotme në parlament.

Në fjalën e saj, Zhupa i ka bërë thirrje edhe deputetëve socialistë që të tërhiqen nga vendimi për ta votuar ‘pro’ reformës që qytetarët po e kundërshtojnë me protestë para Kuvendit.

Zhupa: Po injoroni 15 këshilla bashkiakë që kanë dalë kundër. Ju rrini këtu dhe keni marr urdhrin që të qëndroni si ushtar dhe të votoni vetëm atë që i shërben interesit të Edi Ramës. Ma shpjegoni pak metrin, një deputet juaj i Vlorës guxoi dhe foli në një status në Facebook, por ju e detyruat bashkë me Edi Ramën ta fshinte statusin.