Klosi ironizon demokratët: Edhe me ndarjen e re, do të merrni bashki sa gishtat e dorës

Deputeti socialist, Blendi Klosi, u shpreh sot me nota ironizuese drejtuar përfaqësuesve të Partisë Demokratike të pranishëm në Kuvend.

Ndërsa mbante fjalën e tij në seancën plenare, Klosi tha se edhe me ndarjen e re nga Reforma Administrativo-Territoriale, PD do të marrë sërish një numër shumë të pakët bashkish.

Sipas Klosit, reforma do të votohet sot, prandaj demokratët nuk duhet të kenë asnjë shpresë për një vendim tjetër.

“Nga bashkitë që do të ngelin nga votimi nga Kuvendi, ju do të merrni bashki më pak sesa gishtat e dorës, vetëm siç i morët vitin e kaluar nëse ne bëjmë një gabim. Prapë me hile dhe frikacakë. Nuk merrni dot një vendim. Ne për këtë e kemi marrër mandatin, që t’u shërbejnë më mirë qytetarëve. Mos kini asnjë shpresë, reforma sot do të votohet”,-tha Klosi./CNA