Gjykata e Durrësit ka lënë në burg Feta Matajn, bashkëshortin e ish-Drejtoreshës së Postës së Durrësit, Elisabeta Mataj.
Ai u arrestua tri ditë më parë, pas zbulimit të mesazheve telefonike të shkëmbyera mes bashkëshortëve dhe denoncimit të punonjëseve të filialit të postës, që kanë deklaruar se i kërkohej shuma 25 mijë lekë në muaj nga Mataj.
Ish-drejtoresha Elisabeta Mataj u arrestua në muajin korrik, ndërkohë që pas një qëndrimi më shumë se dy mujor në paraburgim, prej 25 shtatorit ajo ndodhet në “Arrest shtëpie”.
Ajo akuzohet së bashku me dy punonjëse të tjera të institucionit për përvetësimin e fondit të pensioneve dhe ndihmës ekonomike në vlerën 69 milionë lekë të rinj, destinuar për degët e postës në Shijak dhe Krujë.