Tensionet para Kuvendit/ Korreshi: Policia me perimetër kafshërie, u tregon hallatet protestuesve

Deputeti i PD-së, Saimir Korreshi, ka reaguar para godinës së Kuvendit lidhur me tensionet dhe përplasjet e ashpra mes protestuesve dhe forcave policore.

Korreshi e cilëson gardhin e sigurisë të krijuar nga uniformat blu si një perimetër kafshërie, që nxjerr në pritë njerëzit dhe u hedhin sprej me piper.

 “Ju keni qenë prezentë, por dua t’ju them edhe diçka. Për të parë se sa me hatër e ka pushteti protestuesit, po të shikoni këta të maskuarit, policët, nuk kanë numër identifikimi. Nuk mund të rrijë policia as me maska dhe as pa numër identifikimi.

Ka këtu edhe kryesurretër që shan dhe u tregon hallatet protestuesve. Se i ka hallatet ky, si Hila apo si Gysi, këtë nuk e dimë, por problemi është se Policia e Shtetit nuk mund të mbajë kësi halësh dhe pa identifikim.

Kështu që, ju jeni të vetmit ku mund të bëjmë denoncim, ju mediat, që ju lutem shumë t’i shikoni: janë të gjithë pa numër identifikimi. Dhe, pa numër identifikimi, në bazë të ligjit për Policinë e Shtetit, janë të gjithë për kallëzim penal.

Sepse nuk e dimë çfarë janë: kriminelët që i mban policia apo kanë një numër të gjithë. Këta të rreshtit të parë nuk e kanë. Dhe janë të gjithë të maskuar.

Ne nuk e dimë me kë po përballemi sot, sepse kanë bërë një perimetër kafshërie, që t’i nxjerrin në pritë njerëzit dhe t’u hedhin sprej me piper”,-tha Korreshi./CNA