Vendimi i Trump për këshilltarin LaCivita/ Balla ironizon demokratët: Ngushëllime!

Kreu i Grupit Parlamentar të Partisë Socialiste, Taulant Balla, ironizoi sot deputetët e Partisë Demokratike, pas vendimit të bërë publik dje nga presidenti amerikan, Donald Trump, se është drejt shkarkimit të këshilltarit Chris LaCivita, pasi ky i fundit rezultoi se ishte paguar për shërbime ndaj Republikës Srpska.

Balla tha sot në Kuvend se demokratët duhet të heshtin pas kësaj ngjarjeje, ndërsa shtoi me nota humori se socialistët janë të gatshëm të shprehin edhe ngushëllime.

"Sa i përket pjesës së Beogradit, sot duhet të heshtni, sepse pushimi nga puna i LaCivitas si pro-rus dhe i financuar nga aleati i Putin-it në Ballkan, Dodik, besoj se bashkohemi në dhimbjen tuaj dhe jemi të gatshëm t'ju shprehim ngushëllimet kudo që prisni",-u shpreh Balla./CNA