Kryeministri i Kosovës, Albin Kurti, ka uruar Presidentin e ri për marrjen e detyrës, duke vlerësuar pranimin e kësaj përgjegjësie në një moment të rëndësishëm për vendin.
Kurti theksoi se Kosova kishte nevojë për një President që përbashkon, sjell stabilitet dhe karakterizohet nga integriteti, dija dhe përvoja institucionale e akademike.
“E urova për detyrën dhe e falënderova që na gëzoi duke pranuar këtë përgjegjësi në një kohë kur vendi kishte shumë nevojë për President që, përveçse përbashkon e sjell stabilitet, ka integritet të lartë, dije të gjerë dhe përvojë të gjatë akademike e institucionale”, u shpreh Kurti.
Kryeministri kosovar nënvizoi gjithashtu gatishmërinë për bashkëpunim me kreun e ri të shtetit, me fokus te qytetarët dhe prioritetet shtetërore.
“Do të bashkëpunojmë e do të bashkërendohemi për punët e mira për qytetarët dhe për prioritetet shtetërore”, tha Kurti./Versus.al
