Britney Spears ka ndarë me ndjekësit një fotografi të rrallë ku shfaqet së bashku me dy djemtë e saj, Sean Preston dhe Jayden James Federline.
Këngëtarja 44-vjeçare publikoi foton në Instagram gjatë një vizite familjare në Dollywood, parkun argëtues në Tennessee të themeluar nga këngëtarja e ndjerë Dolly Parton.
Në fotografi, Spears qëndron në mes të dy djemve, ndërsa të tre pozojnë përpara hyrjes së parkut. Këngëtarja kishte zgjedhur një veshje casual, me fund të shkurtër xhins dhe bluzë me vija, ndërsa fytyrën e kishte pjesërisht të mbuluar me maskë dhe syze dielli.
Wow wow!!! Nuk e dija që ky vend ekzistonte, është kaq i bukur dhe emocionues… Por është jashtëzakonisht nxehtë dhe fundi im është shumë i madh për mua… dalje familjare!!! Dollywood është absolutisht i adhurueshëm!
-shkroi Spears krahas fotografisë.
Përveç fotografisë, ajo publikoi edhe video nga dita e kaluar në park, ku shihet duke provuar disa prej atraksioneve së bashku me djemtë e saj.
Sean Preston dhe Jayden janë fëmijët e Spears me ish-bashkëshortin e saj, Kevin Federline. Të dy janë tashmë të rritur dhe këtë vit bënë edhe debutimin në pasarelë gjatë Javës së Modës për Meshkuj në Paris.
Daljet publike të Spears me të dy djemtë janë relativisht të rralla, ndaj fotografia e fundit tërhoqi vëmendjen e fansave, të cilët komentuan momentin familjar të këngëtares.
