Sërish protestë para Parlamentit? Zbardhet mesazhi për strukturat e PD-së

Një protestë kundër Reformës Territoriale është zhvilluar paraditen e sotme jashtë Kuvendit, ndërsa në seancë plenare po diskutohej mbi ndarjen e re territoriale.

Sipas një mesazhi të postuar në media,  që i drejtohet strukturave të Partisë Demokratike, kërkohet pjesëmarrje e shtuar e protestuesve edhe në orën 18:00 para Parlamentit.

“Aksioni i sotëm ishte shumë i mirë dhe i fortë. Duhet ta vazhdojmë edhe pasdite, duke e mbajtur të njëjtën energji. Ju lutem, ka shumë rëndësi që pasditen e sotme të jemi përsëri të pranishëm në protestë. Kemi mundësi më të mira edhe për sa i përket orarit. 

Gjithashtu, për personat e shoqëruar nga policia, kemi dërguar avokatë për t’i asistuar dhe për të ndjekur situatën e tyre. Ju lutem, njoftoni sa më shumë njerëz që nuk patën mundësi të ishin paradite për shkak të punës, që sot në orën 18:00 të jenë te Parlamenti. Të jemi të gjithë bashkë”, raportohet se thuhet në mesazh. /CNA