Nënkryetarja e Kuvendit, drejtuese e seancës së sotme parlamentare, Evis Kushi i mbylli mikrofonin deputetit socialist Erion  Braçe i cili doli në foltore për tu shprehur kundër reformës së njëanshme territoriale të propozuar nga kryeministri Rama.

Gjatë fjalës së tij, Braçe tha se ndarja e re territoriale shkel parimet mbi të cilat duhet të bëhet një reformë dhe se ka pasur mungesë transparence gjatë hartimit të draftit.

Drejtuesja e seancës, zonja Kushi i mbylli mikrofonin dhe refuzoi tia hapte ndërkohë që Braçe po rendiste me argumenta gjithë kundërshtimin e tij ndaj asaj që është paraqitur më herët nga Mazniku dhe në përgjithësi nga Partia Socialiste. 

Seanca parlamentare ka nisur prej orës 10:00, ndërsa jashtë qytetarët protestojnë kundër reformës territoriale.

Pjesë nga fjala e Braçes

Braçe: Me territorin, pushtetin në këte nivel, janë bërë eksperimente pas eksperimentit. Mjafton t'u kujtoj që kam qenë këtu në këtë parlament kur kryetarët e bashkive u bën edhe deputet dhe bënin njëherësh edhe kryetarin e bashkisë edhe deputetin. Kur zonat elektorale kaluan kufijtë e bashkive dhe u bënë më shumë se to. Unë nuk e kam mohuar kurrë dhe as e kam refuzuar nevojën për një reformë të plotë të pushtetit vendor. 

Qeverisjes vendore me qëllim të qartë mirëqeverisjen në këtë nivel. Qeverisja qendrore për shkak të definicioneve kushtetuese, por edhe për shkak të të kuptuarit keq të qeverisjes, larg nga qytetari, u vendos larg nga qytetari dhe kjo ndodhi shpesh. Ky pushtet, vendori është natyralisht pranë tij. Ai është pushteti i qytetarit dhe është më pranë tij. Pra reforma në këtë nivel është e domosdoshme.

Ndërkohë ky që kemi përpara është një ligj që vizaton një hartë të re administrative dhe territoriale. E kam dëgjuar shpesh këto ditë se kemi patur një angazhim elektoral në zgjedhjet 2005 për reformë, jo për hartë.

Harta e provuar shumë herë është e përkohshme, e paqëndrueshme dhe si reformë tërësisht e pamjaftueshme.

E kam dëgjuar disa herë nga e hëna veçanërisht sot paradite se harta është produkt i mundësive politike më troç votave shumicës që ato krijojnë. Kështu ka qenë nga 1992-shi përfshi dhe atë rastin për të cilin ju fola. Kështu ishte edhe në 2014-n. Ndaj jemi sot këtu. Më e keqja këtu është që këtu jemi edhe sot. Edhe kjo hartë e cila me gjas do të ndryshojë edhe njëherë do të marrë fuqi nga 2031-shi me ndryshimin e fundit. Këtë mësova sot paradite.

 Unë mendoj se qëndrueshmëria e reformave nuk vjen nga votat. Nuk vjen nga votat. Vjen nga parimet dhe gjerësia e këtyre parimeve. Parimet janë shkelur.

Parimet nuk janë zbatuar njësoj kudo në territor të vizatuar nga kjo hartë dhe kjo u thapur edhe pa ndërroje hiç.

Përse na tolerohet ne kjo? Ne me këtë ligj sot ndryshojmë jetën e njerëzve në 15 bashki. Nuk ndryshojmë kufijtin administrativ të tyre, po ndryshojmë jetën e njerëzve.

Madje ndryshojmë jetën e njerëzve edhe në bashkitë e tjera që ato po i përthithin.

 Po kaq me lehtësi e marrim ne këtë fakt, ndryshimin e jetës njerëzve të cilët kanë bërë plane për jetën e tyre. Ata që janë më të rinj kanë bërë plane për të ardhmen e tyre duke përfshirë nga fëmijët e me radhë, shkollimin e tyre, edukimin e tyre, punën e tyre, biznesin e tyre, të ardhurat e tyre.

 Bie dakort me shënimin e një kolegu pak më parë këtu që populli ushtron sovranitetin përmes përfaqësuesve të zgjedhur me votë. Është një delegim i fortë ky që kërkon medos përgjegjësi, por edhe përgjegjshmëri. Kufizohet këtu. Që të ndodhë kjo duhet transparencë për të dhënat, për analizat, për aktet, për vendimet.

Transparenca efektive quhet jo thjesht hedhje të ca letrave atje atë tanë, por edhe ato kanë munguar.

Transparencë efektive nuk ka patur dhe jo për shkak të ndarjes partiake këtu, por edhe brenda një grupi.

Pra, as në nivel grupi, as në nivel profesional grupi, siç komisionet parlamentare, siç komisioni i ekonomisë, këtij Kuvendi, kur kriteret që justifikojnë këtë ligj janë thuajse të gjitha me karakter ekonomik dhe financiar.

Mes lumit të informacionit që nuk u nda me ne në një vit, por serviret në publik patjetër në funksion të mbështetjes së kësaj harte do ishte udhës që informacioni të ishte korrekt.

Po flas për kompetencat Arbër, të dëgjova edhe më parë, po edhe në vijim, ditë të shkuara që i referohesh kompetencave të bashkisë dhe faktit që ato nuk i kanë përmbushur, nuk i kanë shfrytëzuar përmes tyre, nuk kanë ofruar shërbime.

Nuk ishe korrekt në çfarë the.

Po 46 kompetenca kanë sot bashkitë. Kjo është e vërtetë siç është e vërtetë që një pjesë e madhe janë formale, për të mos thënë janë banale, siç është e vërtetë që këto kompetenca u transferuan pa buxhet apo me buxhet të pamjaftueshëm, referuar dhe të vlerës të përftuar nga çmimet e nga manuali i çmimeve që aplikon vetë qeveria veçanërisht ne infrastrukturë.

Do dua të lexoj sepse me thënë të drejtën i mora i nxitur pikërisht nga përsëritja e përsëritja e përsëritja e këtij argumenti.

Shikoni infrastrukturë, kompetencat e bashkisë është prodhimi.

Bie gongu

Braçe: A mund të flas të lutem?