Sali Berisha foli sërish në foltoren e parlamentit, teksa dënoi dhunën policore të Ramës dhe Ballukut, ndaj kryetarit të bashkisë Memaliaj jashtë parlamentit gjatë protestave të sotme kundër reformës territoriale.
Berisha shtoi se emrat e atyre që do votojnë pro reformës, duhen shënuar në një shtyllë turpi.
“Njeriu me 5 mbiemra këtu në parlament që ka porositur vrasje i implikuar me 3 kartele droge bën presion mbi deputetët dhe bën pazare pëer ti detyruar të votojnë. Iu bëj thirrje përfaqësuesve të Fushë Arrëzit, Pukës, zonave të tjera të zgjedhin dinjitetin karakterin dhe përfaqësimin e qytetarëve pa Tom Doshit dhe Edi Ramë.
Dënoj dhunën nga narko policia e Skënder Ballukut dhe Edi Ramës ndaj kryetarit të bashkisë së Memaliaj hakmarrje primitive për faktin se qytetarët e Memaliaj refuzuan Edi Ramën. Propozoj bashkisë Divjakë Durrësit, të ngrenë që nesër shtyllat e turpit për të shkruajtur me të zeza emrat e tradhtarëve që na thonë se Divjaka aty do mbetet. Çfarë jeni ju? A keni turp nga vetja që flisni në këtë mënyrë? Edhe ky i Kodrës së Kuajve erdhi këtu. Deputet i Kodrës së Kuajve.
Nesër PD në pushtet do ngrejë shtyllat e turpit për ju.”- tha Berisha.
