Sot Kuvend/ Në rend dite “Territorialja”, Komisioni hetimor për “KAYO” e interpelanca me 4 Ministra. PD p...
Protestuesi kërkon t'i bashkohet protestës, por pengohet nga perimetri i sigurisë, i moshuari “shpërthen” n...
Dita e 130-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erd...
"Dyfisho Sipërmarrjen Tënde"/ Rama: Aplikimet që hasin pengesa te bankat do të kenë mbështetjen e Ministrisë ...
Prokurori e konsideron mjekun përgjegjës për vdekjen e legjendës argjentinase dhe e akuzon për vrasje me dashje të mundshme. Dënime të tjera kërkohen edhe për anëtarë të ekipit mjekësor që kujdesej për ish-futbollistin.
BRAZIL - Gjyqi për vdekjen e Diego Armando Maradonës ka hyrë në një fazë vendimtare, me prokurorin Patricio Ferrari që ka kërkuar 12 vite burg për neurokirurgun Leopoldo Luque, mjekun që drejtonte ekipin përgjegjës për kujdesin shëndetësor të legjendës argjentinase.
Maradona ndërroi jetë më 20 nëntor 2020, në moshën 60-vjeçare. Sipas prokurorisë, Luque mban përgjegjësi për krimin e vrasjes me dashje të mundshme, me rrethana rënduese që lidhen me profesionin e tij si mjek dhe marrëdhënien e miqësisë me ish-futbollistin. Megjithatë, bëhet fjalë për një kërkesë të prokurorisë dhe jo për një vendim përfundimtar të gjykatës.
Kërkohen dënime edhe për anëtarët e tjerë të ekipit mjekësor
Prokurori Ferrari ka kërkuar tetë vite burg për Nancy Forlni, koordinatore e kompanisë së sigurimeve shëndetësore Swiss Medical, dhe për psikiatren Agustina Cosachov, të akuzuara për vrasje. Për psikologun Carlos Diaz është kërkuar dënim me pesë vite burg, ndërsa për infermierin Ricardo Almiron dhe përgjegjësin e tij, Mariano Perroni, nga katër vite burg, për vrasje të paqëllimshme.
Në të kundërt, prokuroria ka kërkuar që klinicisti Pedro Di Spagna të lirohet nga akuzat, duke argumentuar se ai ishte i vetmi që kishte vepruar siç duhej dhe se nuk kishte autoritetin për të vendosur shtrimin në spital të Maradonës.
Prokurori: Maradona u braktis në fatin e tij
Gjatë argumentimit të akuzave, Ferrari ka paraqitur një tablo të rëndë të kujdesit mjekësor që iu ofrua Maradonës në ditët e fundit të jetës. Sipas prokurorisë, nga 11 deri më 20 nëntor 2020, ekipi përgjegjës nuk përmbushi detyrimet që kishte marrë përsipër, duke e lënë ish-futbollistin pa mbikëqyrjen dhe pajisjet e nevojshme mjekësore.
“Maradona ishte një bombë me sahat”, deklaroi prokurori, duke kritikuar mungesën e pajisjeve bazë dhe të organizimit në banesën ku ai po qëndronte. Ferrari e përshkroi situatën si një rast të rëndë çorganizimi, ku, sipas tij, personat përgjegjës harruan se po kujdeseshin për një pacient të brishtë dhe me probleme komplekse shëndetësore.
Prokuroria: Vdekja mund të ishte shmangur
Në mbështetje të akuzave, Ferrari iu referua edhe përfundimeve të Komisionit Mjekësor Ndërdisiplinor. Sipas tij, Maradona nuk ishte një pacient që vdiq papritur, por një person me komplikacione të rënda mjekësore, vdekja e të cilit mund të ishte shmangur nëse do të kishte marrë kujdesin e duhur.
Prokuroria pretendon se trajtimi dhe monitorimi mjekësor ishin të pamjaftueshëm dhe se neglizhenca e personave përgjegjës luajti rol në përfundimin fatal. Tashmë, gjykatës i takon të vlerësojë provat dhe përgjegjësinë individuale të secilit prej të pandehurve në një çështje që vazhdon të tronditë opinionin sportiv dhe publikun argjentinas.
B.T (Dosja.al)
SPANJE - Toni Kroos dëshiron të fillojë zyrtarisht karrierën e tij si trajner. 36-vjeçari ka filluar procesin me Federatën Spa...
SHKODER - Vllaznia po kalon një moment të vështirë, vetëm pak orë pas dorëheqjes së drejtorit sportiv Vioresin Sinani....
Gianni Infantino, presidenti i FIFA-s GJERMANI - Në takimin në Berlin, anëtarët e UEFA-s mbështetën kandidaturën e rinov...
SPANJE - Real Madrid po përgatitet të rikthehet në fushë pas pauzës së kombëtareve, por brenda skuadrës vazhdojnë...
BRAZIL - Fernando Diniz nuk është më trajner i Corinthians. Shkarkimi i tij u zyrtarizua pas humbjes 1-2 ndaj Internacionalit, e cila ishte dis...
ARGJENTINE - Një natë e paharrueshme për Lionel Messin ishte edhe një moment i veçantë për familjen e tij. Pas ndeshjes s...
SPANJE - Barcelona po shijon një nga periudhat më të qeta të viteve të fundit dhe në Spanjë një pjesë e merit&eum...
ZVICER - Granit Xhaka është dënuar nga Prokuroria Publike në Zvicër për çështjen që lidhet me marrjen e nj...
ARABIA SAUDITE - Roberto Martínez mund të jetë trajneri i ardhshëm i Arabisë Saudite, por një trofe ka komplikuar gjithç...
ARGJENTINE - Ndeshja kundër Argjentinës duhej të ishte një moment historik për Beninin, pasi skuadra afrikane ishte kundërshtari...
