Tokat djerrë, importet në rritje! Pse po shtrenjtohet ushqimi dhe kush po e paguan faturën?

Çmimet e ushqimeve vijojnë të rëndojnë buxhetet e familjeve shqiptare, që thonë se po shkurtojnë shpenzimet. Inflacioni u rrit në 2.8 për qind në shtator, ndërsa ushqimet u shtrenjtuan edhe më tej. Ekspertët kërkojnë më shumë prodhim vendas për të ulur varësinë nga importet.

“Duke e shtrënguar rripin. Nga muaji në muaji i bëjmë ndonjë brimë më shumë që të shtrëngohemi sa më tepër. S’ke ça të bësh”, thotë një qytetar.

Çmimet e ushqimeve dhe produkteve të tjera po rriten këtë fillim-vjeshtë. Për muajin e shkuar, INSTAT vlerëson se inflacioni, treguesi i zhvlerësimit të parasë përballë shtrenjtimit të jetesës ishte 2.8 për qind nga 2.4 për qind shtatorin e një viti më parë.

Në krahasim me gushtin, shtrenjtimi e ka ngadalësuar disi ritmin.

“Ja kemi blerë spinaq e do bëjmë Burani. Ne mirë që na ndihmojnë fëmijët se me këto çmime do kishim ngordhur për bukë”, shprehen qytetarët.

Pavarësisht se në treg pati prodhim vendas, inflacioni tek ushqimet dhe pijet muajin e shkuar u rrit në 2.8 për qind nga 1.8 për qind një vit më parë. Treguesi mbeti i pandryshuar në raport me gushtin.

“Duke parë edhe pjesën e turizmit që po na rritet goxha, do të ishte një gjë e mirë për ne sikur të ktheheshin pak sytë te bujqësia. Do ndihmonte ekonominë, fermerët, pra të gjithë ne. Do plotësonte nevojat edhe për turizmin, por edhe për konsum të brendshëm”, thotë Ilir Pilku, ekspert i sektorit bujqësor.

Për shkak edhe të lënies së tokës “djerrë”, si pasojë edhe e braktisjes nga njerëzit sot vendi po varet thuajse tërësisht nga importi.

“Së pari prodhimi ynë bujqësor duhet të strukturohet më mirë dhe t’i përshtatet ndryshimeve klimatike. E para duhet të dalim me prodhim shumë më herët dhe e dyta në kulmin e sezonit turistik veror që është në muajt korrik e gusht ne duhet të kemi sa më shumë prodhim vendas”, thotë Pilku.

Të dhënat nga INSTAT tregojnë se nga 1.8 për qind në shtator 2025, muajin e shkuar inflacioni te lëndët djegëse u rrit në 2.7 për qind. /A2 CNN

Artikuj te sugjeruar

Menu Kryesore 24 Gusht09:28

U kapën me 5 kg kokainë dhe heroinë me vlerë mbi 500 mijë euro, publikohen fotot dhe emrat e dy të arrestuarëve

Detaje të reja janë zbardhur nga operacioni antidrogë i koduar “Drejtimi”, i zhvilluar nga strukturat e Policisë së Tiran...

Menu Kryesore 31 Tetor16:07

A i intereson marrëveshja e paqes Putinit?

Nga Xhuljo Ferzaj Presidenti i Shteteve të Bashkuara të Amerikës u përpoq të arrinte një paqe, midis Rusisë dhe Ukrainë...

Menu Kryesore 20 Shtator09:02

EMRI/ U kap duke transportuar kokainë, arrestohet 22-vjeçari në autostradën Tiranë-Durrës

Një 22-vjeçar është arrestuar ditën e sotme me kokainë. Mësohet se në pranga ka rënë i riu me emrin Behar ...