Zgjidhen 3 anëtarët e rinj të Këshillit të Lartë të Prokurorisë

Antoneta Sevdari, Afërdita Ndoj dhe Eloida Goxhi janë tre anëtarët e rinj të Këshillit të Lartë të Prokurorisë (KLP), të zgjedhur nga prokurorët gjatë mbledhjes së zhvilluar sot në Polin e Drejtësisë.

Sevdari është zgjedhur si përfaqësuese e Prokurorisë së Përgjithshme, Ndoj nga radhët e Prokurorisë së Apelit, ndërsa Goxhi si përfaqësuese e prokurorive të shkallës së parë.

Tre anëtarët e rinj do të zëvendësojnë Sokol Stojanin, përfaqësues i Prokurorisë së Përgjithshme, Ledina Rizën, përfaqësuese e prokurorive të apelit, dhe Zeqir Hodën, përfaqësues i prokurorive të shkallës së parë, të cilëve u ka përfunduar mandati.