Milan-i mendon lëvizjet në merkato, sulmuesi i Real-it dhe një mesfushor në listë

Milan-i i është rikthyer stërvitjes për të përgatitur ndeshjen e së dielës kundër Sassuolo-s në kampionat. Pas një ecurie prej tri fitoresh, dy barazimesh dhe një humbjeje në Europa League, skuadra kuqezi kërkon të ruajë vazhdimësinë e rezultateve pozitive në Serinë A.

Paralelisht me përgatitjet në fushë, drejtuesit e klubit po punojnë për planifikimin e merkatos së ardhshme.

Për repartin e avancuar, Milan-i vazhdon të ndjekë situatën e sulmuesit brazilian Endrick. 20-vjeçari i Real Madrid-it ishte pjesë e objektivave të kuqezinjve edhe gjatë merkatos së verës për një huazim të mundshëm, por lojtari zgjodhi të qëndronte në Spanjë.

Për shkak të minutazhit të tij të kufizuar te klubi madrilen, drejtuesit kuqezi po shqyrtojnë mundësinë e hapjes së negociatave në afatin e janarit për kartonin e tij, i cili vlerësohet rreth 50 milionë euro.

Në mesfushë, vëmendja e klubit është përqendruar te Alekx Scott i Bournemouth, i cili shihet si një profil i përshtatshëm për të zëvendësuar Luka Modriç-in, kontrata e të cilit skadon në fund të edicionit.

Për shërbimet e 21-vjeçarit anglez, Bournemouth kërkon rreth 50 milionë euro, ndërsa për lojtarin ka interesim edhe nga klube të Premier League si Arsenali dhe Chelsea.

Ndërsa drejtuesit vazhdojnë vlerësimin e opsioneve financiare dhe teknike për merkaton, vëmendja e menjëhershme e stafit teknik mbetet e përqendruar te sfida e së dielës ndaj Sassuolo-s.