Gjyqtarja nga Afrika e Jugut vlerësohet me Çmimin Nobel për Paqen 2026

Gjyqtarja, avokatja dhe aktivistja nga Afrika e Jugut, Navanethem "Navi" Pillay, është vlerësuar me Çmimin Nobel për Paqen për vitin 2026 për përpjekjet e saj në promovimin e paqes dhe së drejtës ndërkombëtare.

Pillay, 85 vjeçe, shërbeu si Komisionere e Lartë e OKB-së për të Drejtat e Njeriut nga viti 2008 deri në vitin 2014.

Ajo ishte gjithashtu gjyqtarja e parë jo e bardhë e Gjykatës Supreme të Afrikës së Jugut dhe ka qenë gjyqtare e Gjykatës Ndërkombëtare Penale (GJPN) dhe presidente e Tribunalit Ndërkombëtar Penal për Ruandën.

Angazhimi i Navi Pillay ndaj parimeve universale ligjore dhe busulla e saj morale e palëkundur kanë qenë konstante në një karrierë të gjatë, thekson Akademia. 

E lindur në një familje tamile gjatë aparteidit në Durban të Afrikës së Jugut, Pillay u bë avokate dhe pioniere ligjore, duke u përballur me format e rrënjosura thellë të diskriminimit strukturor, ndarjes racore dhe përjashtimit, thuhet në deklaratë.

Me dhënien e Çmimit Nobel për Paqen të këtij viti, Komiteti Norvegjez i Nobelit dëshiron t'i kujtojë botës se sundimi i ligjit, në nivel kombëtar dhe ndërkombëtar, është themeli i sistemit që kemi krijuar për sigurimin e paqes dhe zgjidhjen e konflikteve me mjete paqësore.