Sekretari i Përgjithshëm i Partisë së Lirisë, Tedi Blushi, ka reaguar ashpër pas miratimit të Reformës Territoriale n&...
KOSOVA
EMRAT/ Burri vr*t gruan dhe vëllanë e saj, rëndë vëllai tjetër. Detaje të reja nga krimi në Gjilan
PiranjatPërditësimi i fundit 9 Tetor 2026, 18:00
Është identifikuar personi i dyshuar për ngjarjen e rëndë që tronditi Gjilanin, ku dy persona mbetën të vrarë dhe një tjetër u plagos.
Bëhet fjalë për Valon Ramushin, i cili dyshohet se ka shtënë me armë ndaj bashkëshortes së tij dhe dy vëllezërve të saj në zonën e Livoqit.
Sipas informacioneve fillestare, si pasojë e të shtënave gruaja e tij dhe njëri prej vëllezërve të saj kanë mbetur të vdekur, ndërsa vëllai tjetër është plagosur dhe është dërguar për trajtim mjekësor.
Nga ngjarja e rëndë ka humbur jetën Nafije Bogujevci dhe vëllai i saj, Egzon Bogujevci, ndërsa një tjetër vëlla i saj, Mazllum Bogujevci, ka mbetur i plagosur rëndë.
Ngjarja dyshohet se lidhet me një ngatërresë të mëhershme, ndërsa motivi i plotë dhe dinamika e rastit ende janë duke u hetuar.
Në vendin e ngjarjes kanë dalë njësi të shumta policore, hetuesit dhe dy prokurorë të shtetit, të cilët po koordinojnë veprimet hetimore.
Këqyrja e vendit të ngjarjes dhe mbledhja e provave po vazhdojnë, ndërsa priten detaje të tjera për rrethanat që çuan deri te vrasja e dyfishtë dhe plagosja.
Njoftimi i plotë i policisë:
Sot, më 09.10.2026, rreth orës 14:25, Policia e Kosovës, përkatësisht Stacioni Policor në Gjilan, ka pranuar një informatë lidhur me të shtëna me armë zjarri në fshatin Livoç i Ulët, në Komunën e Gjilanit.
Menjëherë pas pranimit të informatës, në vendin e ngjarjes kanë dalë njësitë relevante policore, si dhe dy prokurorë të Shtetit, me ç’rast është konstatuar se bëhet fjalë për një incident të rëndë, ku dyshohet se nga arma e zjarrit është vrarë një person i gjinisë mashkullore, rreth 30-vjeçar, i cili është gjetur brenda një veture. Po ashtu në vendin e ngjarjes ka dal edhe Drejtori i DRP, Gjilan.
Në Spitalin e Përgjithshëm në Gjilan është sjellë pa shenja jete një person i gjinisë femërore, rreth 30-vjeçare, e cila dyshohet se po ashtu është vrarë nga arma e zjarrit nga i njëjti i dyshuar.
Ndërkohë, një person tjetër, i cili ka pësuar lëndime nga arma e zjarrit, pas marrjes së ndihmës së parë në Emergjencën e Spitalit të Përgjithshëm në Gjilan, është transferuar në Qendrën Klinike Universitare të Kosovës (QKUK), për trajtim të mëtejshëm mjekësor.
Sipas informatave fillestare, dyshohet se në mes të të dyshuarit dhe viktimave ekziston një lidhje familjare. Deri në këtë fazë të hetimeve, motivi që ka çuar në këtë ngjarje të rëndë ende nuk dihet.
I dyshuari është vetëdorëzuar,ndërsa gjatë veprimeve policore është sekuestruar edhe një armë zjarri, e cila dyshohet se është përdorur në rast.
Policia e Kosovës, në koordinim me Prokurorin e Shtetit dhe njësitë relevante hetimore, është duke ndërmarrë veprimet e nevojshme hetimore me qëllim të sqarimit të plotë të rrethanave të ngjarjes, përcaktimit të motivit dhe dokumentimit të rastit.
