Çmimi Nobel për Paqe, Netanyahu: Navi Pillay, një fanatike që demonizon hebrenjtë

Kryeministri izraelit, Benjamin Netanyahu e ka sulmuar ashpër laureaten e Çmimit Nobel për Paqen, Navi Pillay, duke e quajtur atë një “fanatike” që “demonizon hebrenjtë”.

“Komiteti i Çmimit Nobel e ka humbur busullën e tij morale. Ai ia dha çmimin më të lartë një fanatikeje e cila kontribuoi në demonizimin e hebrenjve”, shkroi kryeministri izraelit në një postim në platformën X.

Edhe Ministria e Jashtme e Izraelit ka dalë këtë të premte me një reagim në mediat sociale teksa e akuzon fituesen e re të Çmimit Nobel për Paqe, Navi Pillay-n për përhapjen e gënjeshtrave, urrejtjes dhe akuzave të rreme e dashakeqe kundër Izraelit.

Ministria i cilësoi akuzat për gjenocid ndaj Izraelit si “gënjeshtra më e madhe e shekullit të 21-të” dhe e përshkroi vendimin për t’i dhënë Pillay-t Çmimin Nobel për Paqe si një përpjekje për të legjitimuar urrejtjen dhe paragjykimet kundër Izraelit përmes një çmimi prestigjioz ndërkombëtar.