TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Cristiano Ronaldo është rikthyer në fushën e lojës me gol dhe një fitore bindëse të Al-Nassr. Pas largimit të papritur nga grumbullimi i kombëtares portugeze gjatë pushimit ndërkombëtar, ylli 41-vjeçar u rikthye në aktivitet me klubin saudit, duke dhënë menjëherë kontributin e tij në fitoren 3-0 ndaj Al-Diriyah.
Kapiteni portugez shënoi golin e parë të Al-Nassr, duke ndihmuar skuadrën të siguronte një fitore të rëndësishme. Një rikthim pozitiv për Ronaldon, i cili pas ndeshjes zgjodhi të mos bënte deklarata të gjata, por të përcillte një mesazh të shkurtër në rrjetet sociale.
“Puna u krye. Vazhdojmë me tjetrën”, shkroi pesë herë fituesi i Topit të Artë, duke përmbledhur me pak fjalë paraqitjen e tij dhe suksesin e skuadrës.
Pas vëmendjes së krijuar nga largimi i tij nga kombëtarja portugeze, rikthimi me gol te Al-Nassr i jep Ronaldos një arsye të mirë për të vazhduar sezonin me objektiva të qarta.
Në moshën 41-vjeçare, ylli portugez vazhdon të jetë në qendër të vëmendjes, ndërsa mesazhi i tij pas ndeshjes nuk kaloi pa u vënë re.
