Fitore me “tris”, Interi nuk fal. Nis “arratinë” në krye

Interi mposhti Parmën me rezultatin 3-0 në ndeshjen e javës së gjashtë të Serie A, duke ruajtur vendin e parë me 16 pikë.

Petar Sucic zhbllokoi rezultatin në minutën e 13-të, duke përfituar nga një gabim i portierit Edoardo Corvi.

Pesë minuta më vonë, Hakan Calhanoglu dyfishoi shifrat me penallti, të akorduar pas një ndërhyrjeje të Diego Carlos ndaj Pio Esposito.

Në minutën e 31-të, Marcus Thuram shënoi golin e tretë pas pasimit të Henrikh Mkhitaryan. Në pjesën e dytë, Thuram krijoi mundësinë për Federico Dimarco, por tentativa e tij përfundoi te Esposito dhe u ndal nga Corvi.

Interi regjistroi fitoren e pestë në gjashtë ndeshje, krahas një barazimi, kurse Parma pësoi humbjen e katërt në këtë periudhë.

Parma mbetet në vendin e 17-të me katër pikë dhe nuk ka fituar në 11 përballjet e fundit direkte me Interin.