Interi vijon me formë fantastike në Serinë A, duke siguruar një fitore të pastër 3-0 ndaj Parmës në ndeshjen e zhvilluar në shtëpi.
Skuadra zikaltër e zgjidhi praktikisht takimin që në pjesën e parë, duke shënuar tri gola dhe duke mos i lënë shumë hapësira kundërshtarit.
Suçiç, Hakan Çalhanoglu dhe Marcus Thuram ishin autorët e golave për kampionët, të cilët dominuan që nga minutat e para të ndeshjes.
Në pjesën e dytë, Interi ruajti kontrollin e lojës dhe administr oi avantazhin pa hasur vështirësi të mëdha.
Me këtë rezultat, zikaltrit vazhdojnë ecurinë pozitive në kampionat, duke regjistruar fitoren e pestë në gjashtë ndeshjet e fundit, krahas një barazimi.
Nga ana tjetër, Parma vazhdon të vuajë në përballjet me Interin, ndaj të cilit tashmë numëron 11 ndeshje radhazi pa fitore.
Skuadra e Parmës ka regjistruar gjithashtu katër humbje në gjashtë takimet e fundit të kampionatit, krahas një fitoreje dhe një barazimi.
Interi konfirmon kështu momentin e mirë dhe synon të vazhdojë me të njëjtin ritëm edhe në ndeshjet e ardhshme.
Në sfidën e radhës, skuadra e drejtuar nga Kristjan Kivu do të luajë në transfertë ndaj Bolonjës.
Ndërkohë, Parma do të kërkojë rikthimin te rezultatet pozitive në përballjen e ardhshme, ku do të presë Torinon.
