Një burrë ka humbur jetën pasi u sulmua nga një tigër në Parkun e Jetës së Egër Yorkshire, pranë Doncaster, në Angli.
Ngjarja e rëndë ndodhi rreth orës 13:30, ndërsa identiteti i viktimës nuk është bërë ende publik. Sipas raportimeve, burri hyri në hapësirën ku mbahej tigri dhe u sulmua nga kafsha, duke pësuar lëndime të rënda që i morën jetën.
Pamjet që qarkullojnë në rrjetet sociale pretendohet se tregojnë momentin e sulmit. Në video, burri shihet i gjunjëzuar në tokë, përpara se tigri t’i afrohet nga pas dhe ta sulmojë, duke e rrëzuar përtokë.
Sipas përshkrimit të pamjeve, kafsha vazhdon sulmin ndërsa burri dëgjohet duke bërtitur “Ndalo!”.
Rrethanat se si burri përfundoi brenda hapësirës së tigrit mbeten të paqarta. Autoritetet pritet të përcaktojnë dinamikën e ngjarjes dhe rrethanat që çuan në incidentin fatal./Versus.al
BREAKING: A man has died after entering the tiger enclosure at a wildlife park in Yorkshire, according to police. Sky News correspondent Anjum Peerbacos has the latest. Read more: https://t.co/ZNiTlP9m7Z ???? Sky 501, Virgin 602, Freeview 233 and YouTube https://t.co/suJftrskdg
— Sky News (@SkyNews) October 10, 2026
