Burri përfundon në 'kafazin' e tigrit, kafsha e egër e sulmon! Vizitorët e shokuar bëhen spektatorë! Shikoni videon

Vizitorët e parkut të kafshëve të egra Yorkshire Wildlife Park, pranë qytetit Doncaster në Britani u bënë dëshmitarë të një skene shokuese. Një burrë hyri në hapësirën e rrethuar ku mbahej një tigër.

Sipas raportimeve, ai ishte në gjendje të rënduar emocionale kur hyri në hapësirën ku mbahej tigri, i cili më pas e sulmoi dhe i shkaktoi plagë të rënda.

Ngjarja shkaktoi panik mes vizitorëve, të cilët u detyruan të largoheshin menjëherë nga ambientet e parkut. Sipas Daily Mail, incidenti ndodhi rreth orës 13:30 në parkun e kafshëve të egra Yorkshire Wildlife Park.

Pamjet e publikuara në rrjetet sociale tregojnë burrin, i veshur me një bluzë të zezë, të gjunjëzuar në tokë me krahët e hapur. Në një moment, tigri i afrohet nga pas, e kafshon në shpinë dhe e rrëzon përtokë, duke vijuar sulmin. Më pas, tigri qëndron mbi të. Në pamje dëgjohet burri duke bërtitur disa herë: “Ndal!”.

Sipas raportimeve, punonjësit e parkut përdorën fishekë të posaçëm me gaz, me qëllim frikësimin e kafshës dhe largimin e saj nga burri i plagosur.

A man has reportedly jumped into the tiger enclosure at The Yorkshire Wildlife Park in England. Looking at these images, there is something  wrong with this man. He is trying to point a finger at the tiger 😭💀 https://t.co/8xCGpfzMNS

— Semper Raw ™️ (@SemperRaw) October 10, 2026