Shpërthen makina në Gjirokastër, dy persona të lënduar
Një shpërthim ka ndodhur mbrëmjen e sotme në lagjen “18 Shtatori” në Gjirokastër.
Bëhet me dije se një makinë, e cila po transportonte një bombol gazi, ka shpërthyer në rrugë. Pas shpërthimit, mjeti ka dalë nga rruga dhe është përplasur me një shtyllë.
Si pasojë e shpërthimit, kanë mbetur të lënduar dy persona, të cilët ndodhen në spital, nën kujdesin e mjekëve.
Njoftimi:
Rreth orës 22:00, në bulevardin “18 Shtatori”, dyshohet se ka shpërthyer automjeti tip “Benz”, në pronësi të shtetasit B. D., i cili ishte në lëvizje.
Si pasojë e shpërthimit, kanë mbetur të dëmtuar shtetasit B. D. dhe R. M., të cilët ndodhen në spital, nën kujdesin e mjekëve.
Grupi hetimor ndodhet në vendngjarje dhe vijon punën për sqarimin e rrethanave të rastit dhe përcaktimin e saktë të shkakut të shpërthimit
