Atentat me tritol në Gjirokastër, shpërthen në mes të qytetit makina në lëvizje, dy të plagosur rëndë në spital

Një automjet tip “Mercedes-Benz” shpërtheu në lëvizje mbrëmjen e së shtunës, rreth orës 22:00, në bulevardin “18 Shtatori”, në qendër të Gjirokastrës.

Policia konfirmoi se në shpërthim ishte përdorur lëndë plasëse, tritol, ndërsa vijon puna për të përcaktuar sasinë e saj.

Automjeti drejtohej nga Beqir Devolli, ndërsa pasagjer ishte Rigels Mela. Si pasojë e shpërthimit, të dy mbetën të plagosur dhe u transportuan në spital për ndihmë mjekësore.

Beqir Devolli ndodhej në gjendje të rëndë në reanimacion dhe u nis drejt Spitalit të Traumës në Tiranë, ndërsa Rigels Mela ishte jashtë rrezikut për jetën.

Shpërthimi ishte i fuqishëm dhe u dëgjua në një pjesë të madhe të qytetit, duke shkaktuar panik te banorët.

Pas shpërthimit, automjeti përfundoi mbi trafikndarëse, përpara Drejtorisë Vendore të Policisë Gjirokastër, në afërsi të gjykatës. Të dy institucionet ndodhen vetëm pak metra larg njëri-tjetrit.

Dyshimet paraprake janë se objektiv i atentatit mund të ketë qenë Rigels Mela.

Në prill të vitit 2025, edhe automjeti i tij ishte përfshirë nga flakët pas një shpërthimi, ngjarje për të cilën mbeten për t’u sqaruar rrethanat dhe nëse ka lidhje me episodin e së shtunës.

Grupi hetimor shkoi në vendngjarje dhe nisi punën për dokumentimin e plotë të ngjarjes, përcaktimin e sasisë së tritolit dhe identifikimin e autorëve të mundshëm.

Inxhinieri shqiptar i zhdukur: Erkan Nika humbi pas sulmit në Detin e Zi, babai i të riut: Apel shtetit për ndihmë

16:05 Kronika 1 koment

Goditet grupi i shqiptarëve në Itali, policia zbulon si hynin në banesa ndërsa familjarët flinin

15:45 Kronika 3 komente

Mbante të fshehur një pistoletë dhe kanabis teksa kalonte në kufi, arrestohet në Kakavijë 51-vjeçarja gjermane

15:15 Kronika

Fshihen videot intime të artistëve, pas ankesës në AMA, “zhduken” nga Tik Tok 45 materiale

14:25 Kronika 13 komente

Dyshime për rrëmbim! Humbet kontakti me Inez Hajrullën, policia verifikon pistën e zhdukjes së tij

13:45 Kronika 1 koment

Hodhën vezë ndaj makinës së Ramës, Gjykata lë të lirë dy protestuesit

13:35 Kronika 8 komente

Ndodh në Shkodër - Transportonte 7 emigrantë nga Filipinet dhe Afganistani drejt Malit të Zi, arrestohet 23-vjeçari

12:05 Kronika 1 koment

Ambasadori amerikan takon drejtuesin e SPAK dhe kreun e BKH (VIDEO)

11:35 Kronika 1 koment

Tentuan të korruptonin policinë për t’iu shpëtuar gjobave, vendosen nën hetim 3 persona në Durrës!

11:05 Kronika

Tiranë - Arrestohen dy persona, sekuestrohen 25 makineta të modifikuara ilegalisht

10:35 Kronika 1 koment