Reagimet pas sulmit me 12 viktima në aeroportin e Riadit, OKB-ja paralajmëron përshkallëzim, Arabia Saudite kërcënon me kundërpërgjigje 11/10 10:24
Skema e ngjyrave
Madhësia e shkrimit
Një histori dashurie me fund tragjik ka tronditur opinionin publik në Iran dhe më gjerë. Alireza Sepahi, 25 vjeç, u ekzekutua me varje më 5 tetor në burgun Dastgerd të Isfahanit, vetëm pak orë pasi u martua nga distanca me të dashurën e tij 22-vjeçare, Mahshad Kashani, e cila mbahej në një burg tjetër.
Ceremonia u zhvillua përmes telefonit, me ndihmën e një avokati dhe pjesëmarrjen e familjarëve. Pavarësisht përpjekjeve të tyre, autoritetet nuk lejuan që çifti të takohej për herë të fundit. Në ceremoni u përdorën simbolikisht një Kuran, një ëmbëlsirë tradicionale persiane dhe një trëndafil i kuq.
Sepahi ishte arrestuar në janar 2026 gjatë protestave kundër qeverisë iraniane dhe ishte dënuar me vdekje për përfshirjen e pretenduar në një çështje që lidhej me vrasjen e katër pjesëtarëve të forcave të sigurisë.
Ai dhe mbrojtja e tij i kundërshtuan akuzat, ndërsa organizatat për të drejtat e njeriut ngritën shqetësime për procesin gjyqësor dhe pretendimet për tortura, presion ndaj familjarëve dhe kufizim të të drejtave të mbrojtjes.
Alireza Sepahi got married in prison. The next day, the regime in Iran executed him.
He married Mahshad Kashani while facing a death sentence. They were denied even a final meeting as husband and wife. She is serving five years in prison. Now she must grieve her husband behind bars.
The Islamic Republic executed Alireza alongside another detained protester, Alireza Raeesi.
These were two people with families and futures. Remembering their names matters. So does holding those responsible for their deaths accountable.
#LastBreath
— Noor Pahlavi (@NoorPahlavi) October 5, 2026
I riu i kishte shpëtuar ekzekutimit në korrik, pasi pësoi një problem të rëndë kardiak pak para zbatimit të dënimit. Megjithatë, përpjekjet e avokatëve për rishqyrtimin e çështjes nuk arritën ta shpëtonin.
Pas ekzekutimit, familja e tij, sipas raportimeve, nuk u lejua ta varroste në Isfahan dhe trupi u dërgua në qytetin Kashan. Ndërkohë, sipas mediave iraniane, bashkëshortja e tij po përballet me presion në burg për të mohuar martesën e zhvilluar pak orë para vdekjes së tij.
Rasti ka rikthyer vëmendjen te shqetësimet për dënimet me vdekje dhe respektimin e të drejtave të njeriut në Iran.
Top Channel
Top Channel/ Sulme me thikë në shkolla, Polonia në alarm: “Dhunë e paprecedentë nga rrjetet sociale”
Top Channel/ Kosova, “betejë” për milionat e BE/ Më pak se tre muaj për të përfituar 165.8 milionë €
