Golemi ka marrë statusin e qytetit, ndërsa deputeti Taulant Balla kritikoi kryebashkiakun e Kavajës, Fisnik Qosja, për kundërshtimin e vendimit dhe mënyrën e administrimit të të ardhurave të bashkisë.
Gjatë një takimi me banorët e zonës, Balla e cilësoi qesharak kundërshtimin e Qosjas, të cilit iu referua si “kryetari në ikje”.
“Një bashki si Kavaja ka të ardhura dy herë më shumë se Bashkia Lushnjë dhe shtron rrugë dhjetë herë më pak se Bashkia Lushnjë”, u shpreh Balla.
Ai argumentoi se Golemi e meriton statusin e qytetit për shkak të popullsisë, zhvillimit urban dhe rëndësisë turistike. Zona ka rreth 200 hotele dhe përbën një nga destinacionet e rëndësishme turistike të vendit.
Sipas Ballës, njohja e Golemit si qytet duhet të shoqërohet edhe me investime dhe shërbime më të mira për banorët dhe bizneset.