EMRI/ Shpërthimi në 'Motor Oil' në Greqi, ndërron jetë edhe shqiptari tjetër

Zhvillimet lidhur me aksidentin në punë që ndodhi në fabrikat e “Motor Oil” në Agioi Theodoroi, në Greqi, janë tragjike, pasi pak para orës 13:00 të së dielës, punëtori i dytë i plagosur rëndë, 50-vjeçari Dorian Hysa, gjithashtu ndërroi jetë, sipas informacionit nga thriassio.gr.

LEXO EDHE: Shpërthim në një rafineri në Greqi, vdes një shqiptar, plagoset një tjetër

Burri fatkeq, 50-vjeçari, u shtrua i intubuar në gjendje jashtëzakonisht kritike në Spitalin e Përgjithshëm “Thriasio” të Elefsinës, pasi kishte pësuar lëndime të rënda në kokë. Pavarësisht përpjekjeve të mjekëve për ta mbajtur në jetë, ai iu nënshtrua plagëve të marra, duke e çuar bilancin tragjik të aksidentit në dy të vdekur.

Ju kujtojmë se 43-vjeçari Robert Cakaj, me origjinë shqiptare, i cili kishte pësuar plagë të shumta dhe ishte transferuar në Njësinë e Djegieve në Thriasio, ndërroi jetë në spital më 9 tetor, pavarësisht përpjekjeve të mjekëve për ta mbajtur në jetë.

Në të njëjtën kohë, Policia greke po shqyrton masat e pamjaftueshme të sigurisë gjatë punimeve të mirëmbajtjes. Autoritetet vijuan me tre arrestime të reja të drejtuesve të “Motor Oil”, të cilët ishin të përfshirë drejtpërdrejt në mbikëqyrjen e projektit kontrovers./Zougla