Lazio me hap kampioni, fiton dhe i bashkohet Interit

Lazio vazhdon formën e saj të shkëlqyer në Serinë A, duke ruajtur pathyeshmërinë pas fitores 3-1 në shtëpi përballë Monzës në javën e gjashtë të kampionatit.

Skuadra e drejtuar nga Gattuso e nisi takimin në sulm dhe kaloi në avantazh që në minutën e tretë me anë të Tavares.

Në minutën e 23-të, Isaksen arriti të dyfishojë shifrat për kryeqytetasit, duke e bërë situatën të vështirë për miqtë. Problemet për skuadrën e Monzës u shtuan në minutën e 35-të, kur Lucchesi u ndëshkua me karton të kuq, duke i lënë ata me 10 lojtarë në fushë.

Pavarësisht inferioritetit numerik, miqtë arritën të ngushtojnë diferencën në fillim të pjesës së dytë falë një goli të realizuar nga Goglichidze. Megjithatë, Lazio siguroi fitoren në fund të takimit me anë të Pinamonti, i cili vulosi rezultatin përfundimtar 3-1.

Me këtë sukses, Lazio i bashkohet Interit në krye të klasifikimit me 16 pikë, ndërsa Monza mbetet në vendin e 16-të me katër pikë.

Në sfidën tjetër, Bologna regjistroi fitoren e parë sezonale duke mposhtur Leccen 2-1 në transfertë, pas golave të shënuar nga Orsolini në minutën e 17-të dhe Enem në të 75-ën, ndërsa për vendasit barazoi përkohësisht Fatah në minutën e 64-t.