Partizani dhe Tirana po përballen në derbin e kryeqytetit, të vlefshëm për javën e gjashtë të Abissnet Superiore, me sfidën që deri në minutën e 36-të është në barazim 1-1.
Ishin bardheblutë që kaluan të parët në avantazh. Në minutën e 7-të, Redon Xhixha dërgoi topin në rrjetë, duke zhbllokuar rezultatin dhe duke i dhënë Tiranës epërsinë.
Partizani reagoi dhe iu afrua barazimit në minutën e 15-të, kur gjuajtja e Aliut u ndal nga shtylla.
Megjithatë, të kuqtë arritën të rikthejnë baraspeshën në minutën e 36-të. Pas një aksioni të ndërtuar nga Skuka, ishte Himallari ai që përfundoi me sukses, duke çuar rezultatin në 1-1.
Derbi vijon të mbetet i hapur, me të dyja skuadrat që kërkojnë të marrin avantazhin përpara përfundimit të pjesës së parë.
