Manchester City nuk fal, Liverpooli shembet në shtëpi

Manchester City ka marrë një fitore të madhe në transfertë, duke mposhtur Liverpoolin me rezultatin e pastër 3-0 në stadiumin “Anfield”, në një nga përballjet më të rëndësishme të Premier League.

Pjesa e parë u mbyll pa gola, me të dyja skuadrat që luftuan për të marrë kontrollin e lojës. Megjithatë, sfida ndryshoi në pjesën e dytë, kur Liverpooli mbeti me një lojtar më pak pas daljes me karton të kuq të Ryan Gravenberch në minutën e 62-të, pas kartonit të dytë të verdhë.

Manchester City përfitoi nga epërsia numerike dhe kaloi në avantazh në minutën e 65-të me Erling Haaland, i cili dërgoi topin në rrjetë dhe zhbllokoi ndeshjen.

Vetëm pak minuta më vonë, Jeremy Doku dyfishoi shifrat me një goditje të bukur, duke e vështirësuar edhe më shumë misionin e vendasve. Goditjen përfundimtare e dha Rayan Cherki në minutën e 78-të, me një realizim spektakolar që vulosi fitoren 3-0 të skuadrës së Manchester Cityt.

Ky sukses përbën një tjetër demonstrim force për ekipin e drejtuar nga Enzo Maresca, i cili vazhdon serinë pozitive në kampionat. Nga ana tjetër, Liverpooli largohet i zhgënjyer nga një ndeshje ku kartoni i kuq rezultoi vendimtar në fatin e takimit.