“Shqiptarët reaguan keq për videot intime të artistëve”, Dhamo: Ne cënuam privatësinë e tyre

Sociologia dhe pedagogia, Eris Dhamo e ftuar këtë të diele në emisionin “Review” me Greta Topjanën në Euronews Albania ka folur për reagimin dhe ndikimin e teknologjisë lidhur me rastin e publikimit të videove intime në mediat sociale.

Dhamo u shpreh se reagimi shoqëror nuk ishte i duhuri dhe se u shkelën parimet bazë të etikës dhe moralit duke kaluar kufinjtë etikë. Ajo theksoi se diskutimet masive në grupe të vogla dhe kryesisht në mediat online u fokusuan në mënyrë të gabuar te jeta private e individëve, në vend që të kërkonin fajin se pse u bënë virale këto pamje.

“Ne nuk do merremi me çfarë ndodhi konkretisht, por ne duhet të merremi me si ne individët reagojnë ndaj ngjarjeve të tilla. Unë do të thosha reaguam shumë keq në një koncept të përgjithshëm shoqërorë.

E parë e punës. Ne nuk respektuam kufijtë etik. Kurioziteti është njerëzor dhe është normal. Po kemi ne etikë të vendosim veten në vendin e personazhit, kushdo qoftë personazhi edhe në thonjëza të mos cënonim dinjitetin e personazhit, masivisht edhe në grupe të vogla, aq më keq edhe në media, kryesisht në media online, diskutuam dhe u morëm me tërë jetën e personazheve të përfshira në marrëdhëniet e tyre private.

E kam fjalën me diskut kursin shoqëror, diskursi shoqëror nuk ishte konform, vlerave morale dhe etike të një shoqërie të emancipuar dhe të kulturuar. Ne nuk u morëm me faktin që çfarë është privatësia, sa e rëndësishme dhe e shenjtë është privatësia dhe sa unë si individ në ruajtjen e privatësisë. Dhe nuk u morëm me fajin me elementin tjetër. Kërkuam të fajësonin pse këta individë bënin këto që bënin dhe nuk ndaluam të themi që kush është faji që këto video u bënë virale”, tha ajo.