Me baltë, me pellgje uji, me kanale të pambyllura dhe me puseta të hapura. Kjo është gjendja në fshatin Rrushkull të Bashkisë së Durrësit.
Jo vetëm mjetet, por edhe banorët e kanë mjaft të vështirë të lëvizin, veçanërisht në këmbë, në ditët me shi.
Mjafton të shohësh gjendjen e infrastrukturës për të kuptuar se kujdesi i institucioneve për këta banorë lë shumë për të dëshiruar.
Banorët prej vitesh kërkojnë që institucionet përgjegjëse të ndërhyjnë për riparimin e rrugëve, mbulimin e pusetave dhe pastrimin e kanaleve kulluese.
Apeli i tyre është për mirëmbajtje të vazhdueshme, përpara se reshjet të përkeqësojnë edhe më shumë problemet në zonë. /A2 CNN
