Bajram Arifi mësohet se është viktima 29-vjeçar i cili mbrëmjen e sotme tronditi Kosovën e jo vetëm, pasi dyshohet se është qëlluar për vdekje nga babai i tij, Ramiz Arifi.
Siç raportuam dhe pak më parë, ngjarja e rëndë ka ndodhur pasditen e sotme rreth orës 19:30, ndërsa autoritetet kanë dalë menjëherë në vendngjarje ku dhe kanë konstatuar vdekjen e viktimës.
Paraprakisht raportohet se pas të shtënave Ramiz Arifi është larguar nga vendngjarja me një veturë Suzuki dhe prej më shumë se 3 orësh është në arrati.
Megjithatë, hetimet dhe kërkimet për lokalizimin e të dyshuarit janë në vijim. Ndërsa është bërë thirrje që pas vrasjeve të ndodhura ditët e fundit në Gjilan të Kosovës, presidentja e re Justina Shiroka-Pula të thërrasë Këshillin e Sigurisë.
Kujtojmë se dy ditë më parë në një nga lagjet e Gjilanit, Valon Ramushi i mori jetën gruas dhe kunatit të tij.
Sondazh
Lexo gjithashtu
