Aksidenti me 11 viktima në Turqi, dalin pamjet e përplasjes së kamionit me autobusin me turistë

11 persona kanë humbur jetën dhe 27 të tjerë janë plagosur pasi një autobus turistik dhe një kamion u përplasën në Turqi.

Aksidenti ndodhi të dielën. Të plagosurit u dërguan në spitale, përfshirë shoferin e autobusit, i cili u arrestua nga policia pasi u lirua nga spitali.

Pamjet nga vendi i ngjarjes tregojnë momentin e përplasjes teksa autobusi menjëherë rrëzohet duke lënë pasoja të rënda në njerëz.

Ministri i Brendshëm turk, Mustafa Çifçi, u shprehu ngushëllime të afërmve të viktimave dhe i quajti viktimat “qytetarë”, megjithatë mbetet e panjohur nëse kishte shtetas të huaj në autobus.